நீதிபதிக்கு லஞ்சம்:கர்நாடகா மாநில பா.ஜ.க எம்.எல்.ஏ கைது!

31 Jul 2012

ஹைதராபாத்:ஒபுலாபுரம் சுரங்க ஊழலில் நீதிபதிக்கு லஞ்சம் கொடுக்கப்பட்ட வழக்கில் தொடர்புடைய கர்நாடகா மாநில எம்.எல்.ஏ சுரேஷ்பாபு கைது செய்யபட்டுள்ளார்.

ஓபுலாபுரம் சுரங்க முறைகேடு தொடர்பாக கர்நாடக முன்னாள் அமைச்சர் ஜனார்த்தன் ரெட்டி கைது செய்யப்பட்டார். அவர் ஹைதராபாத் சிறையில் அடைக்கப்பட்டார். அவருக்கு ஜாமீன் பெறுவதற்காக நீதிபதி பட்டாபிராம ராவுக்கும் மேலும் சிலருக்கும் லஞ்சம் கொடுக்கப்பட்டதாக குற்றச்சாட்டு எழுந்தது. இது தொடர்பாக பட்டாபிராம ராவ் மற்றும் 3 நீதிபதிகள் உள்பட 8 பேரை ஆந்திர லஞ்ச ஒழிப்பு போலீஸார் கைது செய்துள்ளனர்.

இந்நிலையில், இந்த விவகாரத்தில் தொடர்புடைய கர்நாடக எம்.எல்.ஏ. சுரேஷ் பாபுவை தங்கள் முன் ஆஜராகும்படி அவர்கள் கடந்த 24-ம் தேதி நோட்டீஸ் அனுப்பினர். அதைத் தொடர்ந்து அவரை நேற்று(திங்கள் கிழமை)கைது செய்தனர்.